Maxamed Mursal Sheekh C/raxman oo loo Doortay Guddoomiyaha cusub ee Golaha Shacabka

0
210

Waxaa lasoo gaba gabeeyay Tirinta Codadka Wareega Sedexaad ee Doorashada Guddoomiyaha Golaha Shacabka Baarlamaanka Soomaaliya oo ay isugu soo hareen Xildhibaan Ibraahin Isaaq Yarow iyo Xildhibaan Maxamed Mursal Sheekh Cabdi raxmaan.

Guddoomiyaha ku xigeenka koowaad ee Golaha Shacabka C/weli Ibraahim Sheekh Muudeey ayaa ku dhawaaqay natiijada doorashada isagoo sheegay in Xildhibaan Maxamed Mursal Sheekh Cabdi raxmaan uu ku guuleystay Guddooomiyaha cusub ee Golaha Shacabka Baarlamaanka Soomaaliya ka dib markii uu helay codadka ugu badan oo gaaraya 147 cod halka Xildhibaan Ibraahin Isaaq Yarow uu helay 118 cod.

“waxaa codeeyay 265 Mudane, Xildhibaan Ibraahim Isaaq wuxuu helay 118, Xildhibaan Maxamed Mursal wuxuu helay 147, waxaa ku guuleystay Guddoomiyaha Golaha Shacabka Mudane Maxamed Mursal Sheekh Cabdi raxmaan”.ayuu yiri Guddoomiye Muudey.

 

LEAVE A REPLY

Please enter your comment!
Please enter your name here