Ganacsato Soomaali ah oo lagu dilay Koonfur Afrika

0
643

Kooxo Burcad Koonfur Afrikan ah ayaa xalay waxa ay weerar ku qaadeen Goob Ganacsi oo ay Soomaali leedahay oo ku yaalla dalka koonfur Afrika.

Weerarkaan ayaa waxa uu ka dhacay magaalada Pretoria ee dalka Koonfur Afrika,waxaana la sheegay in burcada ay rasaas ku fureen goobta Ganacsi oo ay ku sugnaayen laba wiil,isla markaana rasaastii lagu furay ay ku dhacday halkaasna ay ku geeriyoodeen.

Mid ka mid ah soomaalida ku Ganacsatada dalkaas ayaa labada Wiil ee xalay la dilay Magacyadooda waxa uu ku kala sheegay Aweys Sheekh Cali iyo Muumin Xuseen Wehliye.

Dilka kadib Ciidamo ka tirsan booliska Koonfur Afrika ayaa goobta gaaray,waxaana halkaasi ay ka qaadeen meydka labada Wiil ee Soomaalida ah.

Dalka Koonfur Afrika ayaa waxaa joogto ka ah dilalka loo geysanayo Ganacsatada Soomaaliyeed ee dalkaasi ku nool,iyada oo dowladda Koonfur Afrika aysan ilaa iyo hadda waxba ka qaban.

LEAVE A REPLY

Please enter your comment!
Please enter your name here