Dowlladda Itoobiya ayaa markii ugu horeysay dhoofinaysa Shidaal

0
14

Markii ugu horeysay ayaa dowladda Itoobiya waxaa ay isku diyaarinaysaa in ay shidaal dhoofiso,sida lagu sheegay war ka soo baxay Wasaaradda Macdinta, Shidaalka iyo Saliidda Dabiiciga ee Dalkaasi Itoobiya.

Qasala Tadese oo ka mid ah mas’uuliyiinta Wasaaradda Tamarta ee Dalkaasi Itoobiya ayaa sheegay in muddo 3 sano ah lagu soo geba gebeynayo qorshaha ku aadan diyaarinta hanaanka shidaal dhoofinta iyo soo saaristiisa.

Itoobiyaa ayaa sheegaysa in ay qodayso boqolaal ceel oo shidaal ah  iyo in la fuliyo mashaariic waaweyn si loo helo fursad sahlaysa in dalka uu soo saaro shidaal,waxaana shidaalkaasi laga heley deegaanka Soomaalida ee Itoobiya,kadib markii bishii June ee sanadkan ay wasaaraddu sheegtay in keyd shidaal laga heley dhulka Soomaalida ee kuyaala Bariga Dalkasi Itoobiya.

Raiisul wasaaraha dalkaasi Itoobiya Dr Abay Axmed ayaa laga soo xigtay isaga oo shacabka ugu hambalyeynaaya in dalkiisa uu soo saarayo 450 fuusto shidaal maalinkasta,sida laga soo xigtay warbaahinta Dalka Itoobiya.

Goobaha ilaa iyo haatan laga heley shidaalka waxaa ka mid deegaanada Rift Valley, Abbay, Mekelle, Metema iyo Gambella,laakiise dhulka Soomaalida ayaa ah halka haatan u diyaarsan soo saarista shidaalka.

LEAVE A REPLY

Please enter your comment!
Please enter your name here