Xildhibaan Samiira oo Dhagax dhigtay Iskuul iyo Ceel Biyood laga higelinayo Tuulada Gasle

0
313

Xildhibaan .Samiira Xasan Cabdulle oo ka mid ah, Aqalka hoose ee BJFS iyo xubno ka tirsan maamulka Gobolka Hiiraan ayaa Shalay booqasho ku tagey Tuulada Gasle  oo hoos taga Magaalada Baladweyne iyo degaanno kale.

Marwo; Samiira, oo Maalmahan howlo shaqo u joogtay Gobolka Hiiraan, ayaa waxaa degaanka Gasle kusoo dhoweeyay Odayaasha dhaqanka, waxgaradka iyo qeybaha kala duwan ee Bulshada tuulada ku dhaqan.

Waxanay wax-garadka Gasle faah faahin ka siiyeen Xildhibaannadda, xaalada guud ee Tuulada, baahiyaha ka jira iyo nolosha Dadka halkaasi ku dhaqan.

Xildhibaan Samiira Xasan , ayaa sheegtay in ujeedka ay halkaasi u tagtay ay tahay, sidii ay ugu warqabi lahayd, Dadka halkaasi ku dhaqan oo ay ku metesho Baarlamanka iyo sidii ay u ogaan lahayd xaaladda guud ee Dadka iyo degaanka iyo baahiyaha kala duwan ee halkaasi ka jira , waxanay sheegtay in halkaasi laga hirgelin doono mashaariic lagu horumariyo nolosha Dadka Tuulada ku dhaqan.

Xildhibaanadda ayaa intii ay halkaasi joogtay waxay Dhagax dhigtay Ceel Biyood Tuulada laga qodayo iyo Iskuul ay wax ku baran doonaan Caruurta halkaa ku nool, waxayna hay,adaha sama-falka ee Gobolka Hiiran ka howl gala ugu baaqday in ay ka war qabaan nolosha Dadka miyiga ee Gobolka Hiiraan.

LEAVE A REPLY

Please enter your comment!
Please enter your name here