Madaxweyne Donald Trump Oo Jeediyay Khudbadiisii Ugu Dambeeysay.

0
33

Madaxwaynaha Mareykanka Donald Trump ayaa jeediyay khudbadiisii maca-salaameynta ka hor inta uusan xafiiska ka tagin.

Waxaa uu Trump yiri: “waan sameynay wixii aan u nimid in aan sameyno- iyo ka badan-ba.”

Muqaal la soo galiyay barta Youtube, ayaa waxaa uu sheegay in uu galay “dagaal adag, iyo hardankii ugu adkaa… sababtoo ah buu yiri waa taa wixii aad ii doorateen in aan sameeyo “.

Mr Trump ilaa iyo imika si rasmi ah uma aqbalin natijadii ka soo baxday dorashadii Mareykanka ka dhacday bishii November, taasi oo uu ku guuleystay Joe Biden.

Mr Biden ayaa lagu wadaa in maanta oo Arbaco ah galinka dambe loo dhaariyo xilka madaxwaynanimada.

Labadii toddobaad ee ugu dambeeyay mudda xileedka madaxwayne Trump ayaa waxaa hareeyay weerarkii taageerayaashiisa ay ku qaadeen dhismaha Capitol Hill, halkaasi oo dabad-baxayaashu ay u dhaceen aqalka Congreska.

“Siyaasad ku dhisan rabshad waa weerar lagu soo qaaday wax walba oo aan ku naaloon jirnay haddii aan nahay Mareykan loomana dulqaadan doono,” waxaa uu sidaasi Mr Trump ku sheegay muqaalka uu soo duubay.

LEAVE A REPLY

Please enter your comment!
Please enter your name here