Soomaaliya oo la safatay Suudaan iyada oo ay xiisad kala dhaxeyso Itoobiya

0
43

Dowladda Soomaaliya oo Suudaan kala safatay Itoobiya

Wasiirka Arrimaha Dibadda Soomaaliya oo taageero garab istaag u ah u muujiyay Suudaan, uguna baaqay Jaamacadda Carabta inay oofiso ballanqaadkeeda taageero ee doorashooyinka Soomaaliya

Wasiir Maxamed Cabdirisaaq Maxamuud, ayaa khadka teleefoonka kula xiriiray dhiggiisa Suudaan, Marwo Drs. Maryam Al-Sadiq Al-Mahdi, oo ay ka wadahadleen xiriirka labo geesoodka ee labada dal ee walaalaha ah iyo siyaabihii lagu xoojin lahaa , laguna qoto dheereyn lahaa.

Maxamed Cabdirisaaq ayaa intii wadahadalka teleefoonku socday waxa uu carrabka ku dhuftay xiriirka taariikhiga ah iyo wax wadaagga ka dhexeeya labada dal, isagoo dhaleeceeyay isku-daygii afgambigii dhicisoobay ee dhacay aroornimadii Talaadadii (21-kii September) ee lala beegsaday hay’adaha dawliga ee sharciga ah ee Suudaan, wuxuuna ku dhawaaqay inay Soomaaliya si dhammaysriran u garab taagan tahay Suudaan dhammaan tallaabooyinka ay u qaadayso si ay uga hortagto wax weliba oo halis ku ah amnigeeda iyo xasiloonideeda.

Wasiirka Arrimaha Dibadda Soomaaliya ayaa tilmaamay muhiimadda ay leedahay in Suudaan ay ku dhiirrigeliso waddamada xubnaha ka ah Ururka Jaamacadda Carabta in ay fuliyaan ballan-qaadyadii ay sameeyeen kulankii ugu dambeeyay ee heer wasiir si ay taageero dhaqaale ugu deeqaan doorashooyinka Soomaaliya si ay u dhammaystirmaan howlaha socdo.

Dowladda Soomaaliya ayaa u muuqata inay siweyn u taageereyso dowladda Suudaan oo haatan uu khilaaf xoogan kala dhaxeeyo dowladda Itoobiya.

Warkaan kasoo baxay dowladda Soomaaliya ee lagula saftay dowladda Suudaan waxaa uu ku soo beegmayaa xilli Afartii sano ee la soo dhaafay dowladda Soomaaliya ay saaxiib gaar ah la aheyd dowladda Itoobiya.

LEAVE A REPLY

Please enter your comment!
Please enter your name here